Manchester City është rikthyer në krye të tabelës në Premierë Ligë pas fitores së thellë mbrëmjen e sotme (e diele).

Kampioni në fuqi i Anglisë ka mposhtur me rezultat tronditës 6 me 1 skuadrën e Southamptonit në takimin e zhvilluar si nikoqir në stadiumin Etihad në kuadër të xhiros së njëmbëdhjetë në Premeirë Ligë, shkruan portali arbresh.info.

Pesë gola u prodhuan vetëm brenda pjesës së parë të këtij takimi.

Nikoqirët kaluan në epërsi me autogolin nga Wesley Hoedt (6′), dyfishuan shifrat me anë të Sergio Agueros në minutën e 12′ dhe realizuan sërish pas gjashtë minutave përmes David Silvas (18′).

Skuadrën nën udhëheqjen e Mark Hughes realizoi golin e vetëm me anë të penaltisë së shkaktuar nga portieri Enderson dhe Danny Ings u tregua i saktë duke realizuar për 3 me 1 në minutën e 30′.

Goli i fundit në pjesën e parë u realizua nga Raheem Sterling në minutën e dytë të kohës shtesë pas asistimit nga Aguero, i cili u bë lojtari i dytë më i shpejtë që ka arritur shifrën prej 250 golave në kampionatin më të madh anglez.

Sterling realizoi edhe në minutën e 67′ dhe Aguero ishte sërish asistues.

Goli i fundit i takimit u shënua nga Lorey Sane në minutat shtesë për 6 me 1.

Djelmoshat e Pep Guardiolas tani kanë 29 pikë, dy më shumë se Chelsea dhe Liverpooli me nga 27 pikë në pozitën e dytë dhe të tretë, ndërsa Southamptoni qëndron në prag të zonës së dëbimit në pozitën e 16-të me vetëm shtatë pikë./arbresh.info/

Shikoni të gjitha golat: